Hindi ko pinangarap na sayo’y matuto
Ngunit tadhana’y tayo’y pinagtagpo
Dahil ang taas ko daw ay nababagay sayo
Kaya’t sinubukan ko naman na ibigay ang aking todo.
Maraming taon ang ginugol sa pag-ensayo
Bago nakasabay sa kanilang laro
Hindi man kasing galing ng mga pulido
Lumaban pa rin at ayaw magpatalo.
Ngunit dumating ang punto na pag-asa’y naghingalo
Dahil ang ensayo’y hindi na naseryoso
At wala ng dumating na bagito
Kaya’t sa huli talagang naging dehado.
Akala ko’y hindi susuko
Ngunit nagpadala sa pagkabigo
Kaya ngayon hanggang dito na lang ako
Nagsisising hindi nagpursigido.
No comments:
Post a Comment